DÍA DE LA LLINGUA MATERNA
21 de febreru del 2024 | 18:00 h.
Visita guiada n’asturianu a la esposición permanente. Muséu Arquelóxicu d’Asturies (Uviéu)
El 21 de febreru celébrase'l Día Internacional de la LLINGUA MATERNA, proclamáu pola UNESCO pa destacar el papel de les llingües nel desenvolvimientu de la sociedá. Ente l'ampliu programa d'actividaes culturales que se van facer n'Uviéu, Xixón, Corvera y Teberga, la Conseyería de Cultura, Política Llingüística y Deporte va impulsar actividaes gratuites rellacionaes col patrimoniu arqueolóxicu, les artes escéniques y l'artesanía de la llana y el telar tradicional. El so oxetivu ye reivindicar la importancia y la riqueza que l'asturianu y el eonaviego representen dientro de la cultura asturiana.
El miércoles 21 de febreru a les 18:00 h, el Muséu Arqueolóxicu d'Asturies va ufiertar una visita guiada n'asturianu a la so colección permanente.
Pa participar na visita hai que reservar llamando al 985208977 (Muséu Arqueolóxicu) n'horariu d'apertura. Máximu 15 persones.
